„#Новаситуација“ е заедничка инцијатива на продукцијата „Излет Мјузик“ и Нова ТВ. Доаѓа како потреба од промоцијата на актуелниот тренд „#седидома“ чија цел е да се спречи ширењето на коронавирусот. Иницијативата ја подржаа повеќе познати ди-џеи од Скопје кои сакаат да им помогнат на своите сограѓани полесно да ја живеат новонастанатата ситуација во која се наложува стриктно почитување на мерките за спречување на корона вирусот.„Нашата публика е спречена да дојде во локалите каде вообичаено пуштавме музика, па затоа сега преку Нова ТВ одиме во нивните домови“, вели првиот човек на „Излет Мјузик“, Огнен Узуновски.
Реализицијата на оваа иницијатива започнува вечерва во 19 часот со пренос во живо на Нoва ТВ со настапот на Узун Баба. Во наредните денови ќе следуваат
Четврток, 19 март – Флудер
Петок, 20 март – Самоил Радински
Сабота, 21 март – Сашо Узун
Недела, 22 март – Александар Мишковски
Понеделник, 23 март – Маци Стојановиќ
Вторник, 24 март – Спиро
Среда, 25 март – ди-џеј Гоце
Продуцент на оваа граѓанска мобилизација е Божидар Јовановиќ.
Да го победиме коронавирусот со музика.