Автобусите на ЈСП Скопје и на приватните превозници од утре ќе продолжат да сообраќаат во две смени, односно од 5 до 9 часот и од 13 до 16 часот.
Како што соопштуваат од ЈСП, автобусите ќе возат по саботен возен ред, со исклучок на линиите 9, 19, 20 и 23 кои ќе сообраќаат по редуциран делничен возен ред.
Во прилог се термините на поаѓање (први и последни, согласно рестрикциите). Останатиот распоред, во меѓупериодот од први/последни наведени термини, може да се види на веб страницата на ЈСП Скопје.
Работно време на билетарници и центри за персонализација како во работни денови
Билетарници
Од 7:30 до 14 часот ќе работат билетарниците во Аеродром, во Ѓорче Петров, во Драчево, во Маџари, во Бутел, билетарницата на Зелен пазар и таа во Автокоманда, кај Дирекцијата на ЈСП Скопје.
Центри за персонализација
Отворени од 7:30 до 14 часот ќе бидат центрите за персонализација во Карпош 2, на Бит пазар и центарот на Транспортен центар. Услугите на ЈСП Скопје можат да се купат и во над сто маркети и трафики дел од секундарната продажна мрежа (прегледот на локации е достапен на фејсбук страната на ЈСП Скопје) чие работно време зависи од одлуката на сопствениците на субјектите.
Новиот, изменет режим на функционирање на јавниот превоз и работното време на билетарниците и центрите за персонализација, ќе важи во наредниот период до новите препораки на надлежните институции.