Еден починат, седум новозаболени и 47 излекувани лица е биланс за ковид-19 во земјата во последните 24 часа, соопштуваат од Министерството за здравство (МЗ). Смртниот случај е евидентиран на Клиниката за инфективни болести каде почина 65 годишен пациент од Скопје кој бил хоспитализиран на 27 април.
Од МЗ информираат дека на Институтот за јавно здравје (ИЈЗ) денеска се регистрирани 47 оздравени пациенти и тоа од Скопје – 9, од Куманово – 9, од Прилеп – 8, од Тетово – 13, од Охрид – 1, од Гостивар – 5, од Кочани – 1 и од Крива Паланка – 1.
Во изминатите 24 часа, како што се посочува, се направени 113 тестирања, а потврдени се седум нови случаи со ковид-19 и тоа во Скопје – 1, во Прилеп – 1, во Тетово – 4 и во Кратово – 1.
Согласно ова, вкупната бројка на ковид дијагностицирани во нашата земја од почетокот на епидемијата изнесува 1.518, бројката на оздравени пациенти е 992, на починати е 85, а бројот на активни случаи во земјата во моментот изнесува 441.
Последната дистрибуција по градови е следна: Скопје – 512, Куманово – 401, Дебар – 51, Штип – 34, Прилеп – 159, Тетово – 90, Струга – 67, Велес – 77, Битола – 19, Охрид – 15, Кавадарци – 5, Гостивар – 17, Гевгелија – 4, Струмица – 2, Крива Паланка – 5, Радовиш – 4, Крушево – 3, Кочани – 31, Пробиштип – 2, Кичево – 2, Неготино – 9 (7 заболени лица од ПЕ Неготино се жители на Демир Капија), Демир Хисар – 1, Македонски Брод – 2, Пехчево – 2, Делчево – 1, Валандово – 1, Виница – 2, Кратово – 1.
Направени се 113 теста и тоа преку ИЈЗ – 108 и МАНУ – 5. Досега во земјата се направени вкупно 17.359 тестирања на ковид -19.
Во изминатото деноноќие на Клиниката за инфективни болести и фебрилни состојби се примени двајца нови пациенти, а вкупно се хоспитализирани 41. На кислородна поддршка е 21 пациент, а на механичка вентилација е еден пациент. Во ГОБ „8 септември“ примени се тројца нови пациенти, а вкупно хоспитализирани се 24 од кои на респираторна машина се пет пациенти, а уште тројца се со потешка клиничка слика.
Во болницата во Битола се лекуваат четворица пациенти, а на домашно лекување се следат уште двајца пациенти. Во болницата во Штип се хоспитализирани четворица, а уште четворица се следат на домашно лекување. На ифективните одделенија во Прилеп, во Велес, во Куманово, во Гостивар и во Тетово се хоспитализирани вкупно 46 позитивни и суспектни на ковид-19, стои во соопштението од МЗ.