Едно починато лице, 22 излекувани и 33 новозаболени и билансот на ковид-19 во земјава за изминатите 24 часа, истакнуваат од Министерството за здравство (МЗ). Смртниот случај е регистриран кај 70 годишен пациент од Велес кој починат на пат кон Клиниката за инфективни болести и фебрилни состојби во Скопје. Тој бил хоспитализиран на 4 мај на Инфективното одделение во велешката болница, но поради влошување на состојбата бил упатен кон главниот град, се посочува во дописот на МЗ.
Институтот за јавно здравје (ИЈЗ), според МЗ, денеска се регистрирани 22 оздравени пациенти и тоа во Скопје – 2, во Куманово – 6, во Штип – 3, во Прилеп – 7, во Тетово – 1, во Струга – 1 и во Кочани – 2.
Во изминатите 24 часа, како што се наведува, се направени 332 тестирања, при што се потврдени 33 нови случаи со ковид-19 во земјава и тоа во Скопје – 11, во Куманово – 2, во Штип – 1, во Прилеп – 5, во Тетово – 2, во Велес – 9, во Битола – 2 и во Крива Паланка – 1.
Согласно ова, вкупната бројка на ковид дијагностицирани лица во нашата земја од почетокот на епидемијата изнесува 1.572, бројката на оздравени пациенти е 1.079, на починати е 89, а во бројот на активни случаи во моментот изнесува 404.
Последната дистрибуција по градови е следна: Скопје – 526, Куманово – 404, Дебар – 51, Штип – 35, Прилеп – 167, Тетово – 95, Струга – 67, Велес – 95, Битола – 22, Охрид – 15, Кавадарци – 5, Гостивар – 17, Гевгелија – 4, Струмица – 2, Крива Паланка – 6, Радовиш – 4, Крушево – 3, Кочани – 31, Пробиштип – 2, Кичево – 2, Неготино – 9 (*7 заболени лица од ПЕ Неготино се жители на Демир Капија), Демир Хисар – 1, Македонски Брод – 2, Пехчево – 2, Делчево – 1, Валандово – 1, Виница – 2 и Кратово – 1.
Направените 332 теста се преку ИЈЗ – 218, преку Ветеринарен факултет – 17, преку „Авицена“ – 13, преку „Биотек“ – 22, преку Клиниката „Жан Митрев“ – 19, преку „Систина“, со PCR метода, – 23 и преку МАНУ – 20. Досега во земјата се направени вкупно 18.168 тестирања на ковид -19.
Во изминатото деноноќие на Клиниката за инфективни болести и фебрилни состојби се примени тројца пациенти, а вкупно хоспитализирани се 44. На кислородна поддршка се 15, а на механичка вентилација се четворица пациенти.
Во ГОБ „8 септември“ се примени осум нови пациенти, а вкупно хоспитализирани се 18. На респираторна машина е еден пациент, а уште двајца имаат потешка клиничка слика.
Во болницата во Битола се лекуваат четворица пациенти, а на домашно лекување се следат тројца пациенти. Во болницата во Штип се хоспитализирани шест пациенти, а уште еден пациент се следи на домашно лекување.
На инфективните одделенија во Прилеп, во Велес, во Куманово, во Охрид и во Тетово се хоспитализирани 54 позитивни и суспектни на ковид-19, стои во соопштението од Министерството за здравство.