Министерот за внатрешни работи Наќе Чулев, во врска со настанот во Струга, на својот Фејсбук профил соопшти дека од страна на Министерството за внатрешни работи најпрво е превентивно делувано со цел да се спречи групирање на граѓаните.
„Имало обид на полициските службеници да се спречи нивно ефективно вклучување во поворката, при што наишле на однесување кое не било возможно целосно да се спречи со поригорозна полициска интервенција поради можноста од пожестока реакција на верниците и ескалација на ситуацијата. ОВР Струга во координација со надлежното ОЈО ги води натамошните мерки за целосна реализација на случајот“, пишува Чулев.
Дополнително, додава тој, од страна на Одделот за внатрешна контрола ќе бидат преземени активности со цел утврдување на евентуално пречекорување на овластувањата на полициските службеници кои го обезбедувале конкретниот настан.„Неопходно е граѓаните да ги почитуваат мерките со цел да се спречи натамошно ширење на коронавирусот. Социјалната дистанца, употребата на заштитна опрема и почитувањето на одлуките за групирање се неопходни со цел спречување на понатамошно ширење на пандемијата предизвиката од ковид-19“, наведува Чулев.