За нов датум за предвремените парламентарни избори ќе треба да се почека најмалку до наредната недела за кога е најавена нова лидерска средба кај претседателот Стево Пендаровски.
На средбата на лидерите на полтичките партии одржана кај претседателот Стево Пендаровски договорено е во меѓувраме владата да комуницира со мисијата на ОБСЕ/ОДИХР во однос на можноста да се следат изборите, и со Комисијата за заразни болести која треба да дефинира протоколи за однесување за време на изборите. Шефот на државата Стево Пендаровски од сцојуа страна презема обврска да организира состанок со Државната изборна комисија на која ќе се обиде да добие усогласен став за термините за одржување на изборите.
Дури потоа, како што вели Мицкоски, „можеме да зборуваме за изборен датум“.
Заев пак ја обвини опозицијата дека „не била спремна да разговара за изборен датум“, и дека на тој начин „купува време“ за да го избегне поразот.
На состанокот не е одлучено дали ќе се продолжи вонрредната сотојба која истекува на 16 мај. Заев, во изјавата по состанокот, не ја исклучи можноста да се прогласи и покуса вонредна состојба на една или две недели, во зависност од тоа кога ќе се одржат изборите. Според Заев ДИК треба да продолжи со своите акттивности за организирање онаму каде што застана веднаш по укинување на вонредната состојба.
„Ако нема трета вонредна состојба, тоа значи дека изборите се на 8 јуни. Ако се прогласи нова, изборите би биле на 7 јули. Ако се направи покуса вонредна состојба од две седмици, тогаш на 21 јуни“, рече Заев.
Мицковски од своја страна вели дека не сака да лицитира со датуми.
“Доколку се претвори ова во лицитација тогаш треба да бидеме чесни како политичари да кажеме пред граѓаните ова што го зборуваме за вашето здравје не важи нас ни се важни фотељјите важни ни се пратеничките министерските позиции и тогаш ова што го зборувавме до сега беше лицемерно“, рече Мицкоски.
Лидерот на ДУИ, Али Ахмети рече дека остава на лекарите и епидемиолозите да дадат препораки дали и кога ќе можат да се одржат изборите.