Нови 76 инфицирани лица, еден починат и 26 излекувани пациенти е ковид билансот во земјата за последните 24 часа, информираат од Министерството за здравство (МЗ). Во изминатото деноноќие се направени 885 тестови преку кои вирусот е детектиран кај 52 лица во Скопје, кај 14 во Тетово, по двајца во Велес, во Гостивар и во Куманово и по еден во Кратово, во Пробиштип, во Штип и во Кочани.
Во ГОБ „8 септември“ почина пациентка од Струга на возраст од 56 години која била хоспитализирана на 21 мај како сомнителна на ковид, а подоцна и потврдена како ковид позитивна.
Институтот за јавно здравје (ИЈЗ) денеска регистрира 26 оздравени пациенти и тоа во Скопје – 12, во Куманово – 2, во Тетово – 11 и во Гостивар – 1.
Вкупната бројка на ковид дијагностицирани лица во нашата земја од почетокот на епидемијата изнесува 2.391, бројката на оздравени пациенти е 1.595, на починати е 141, а бројот на активни случаи во земјата во моментот изнесува 655. Последната дистрибуција по градови е следна:
Скопје – 928, активни 338
Куманово – 469, активни 55
Дебар – 51, активни 0
Штип – 104, активни 69
Прилеп – 212, активни 30
Тетово – 231, активни 86
Струга – 84, активни 12
Велес – 132, активни 29
Битола – 28, активни 3
Охрид – 23, активни 6
Кавадарци – 5, активни 0
Гостивар – 29, активни 8
Гевгелија – 4, активни 0
Струмица – 4, активни 2
Крива Паланка – 6, активни 0
Радовиш – 4, активни 0
Крушево – 3, активни 0
Кочани – 38, активни 7
Пробиштип – 3, активни 1
Демир Хисар – 1, активни 0
Македонски Брод – 2, активни 0
Пехчево – 3, активни 0
Берово – 1, активни 0
Валандово – 2, активни 1
Виница – 3, активни 1
Делчево – 1, активни 0
Кратово – 3, активни 1
Свети Николе – 2, активни 2
Кичево – 3, активни 1
Неготино – 12, активни 3 (*7 лица од ПЕ Неготино се жители на Демир Капија)
Направените 885 теста се преку ИЈЗ – 249, преку ЦЈЗ Скопје – 34, преку „Авицена“ – 35, преку „Биотек“ – 136, преку Клиниката „Жан Митрев“ (Филип Втори) – 175, преку „Систина“ со PCR метода – 128 и преку МАНУ – 128. Досега во земјата се направени вкупно 31.187 тестирања на ковид-19.
Од вкупниот број на направени тестови во изминатото деноноќие, 127 отпаѓаат на скринингот. Тестовите се направени во градинки и во геронтолошки установи во Скопје и не се потврдени позитивни случаи на ковид-19.
На Клиниката за инфективни болести и фебрилни состојби во изминативе 24 часа се примени шест пациенти, а хоспитализирани се вкупно 40 пациенти. Потешко болни и на кислородна поддршка се 16 пациенти, нема пациенти на механичка вентилација.
Во ГОБ „8 септември“ се примени девет нови пациенти, а вкупно се хоспитализирани 31 пациент. На респираторна машина се шест лица и уште толку имаат потешка клиничка слика.
Во болницата во Битола се хоспитализирани седум пациенти, а на домашно лекување се следи едно лице. Во болницата во Штип се хоспитализирани 14, а на домашно лекување се следат уште 16 лица. На инфективните одделенија во Охрид, во Велес, во Куманово и во Прилеп се хоспитализирани 27 пациенти, позитивни и сомнителни на ковид-19.