Снегот кој денеска паѓа во Хрватска предизвика големи проблеми во сообраќајот, јавниот градски превоз во Загреб беше во прекин, а снегот урна и неколку дрвја.
Попладнево поради сообраќајна несреќа обиколницата околу Загреб беше затворена за сообраќај.
По многубројните поплаки од граѓаните кои остнаа заробени во своите автомобили градоначалникот на Загреб, Бандиќ вети дека до изутрина на улиците ќе се види црниот асфалт и снегот ќе биде исчистени, а до пладне улиците ќе бидат и суви.
За 100-тината ученици кои останаа заробени во ски ресортот Слјеме, поради пад на дрвја на патот, Бандиќ рече дека можеле да се вратат но биле задржани во Домот на Црвениот крст, а Градот ќе ги сноси трошоците за тоа ноќевање и храна, „децата се во сигирни раце“, рече тој.
Фотографијата од Google Maps е јасна слика за блокадата. Црната боја со црвени пруги означува целосна блокада на загребската обиколница, а само црвената боја покажува дека на тој дел се вози многу бавно. Видливо е дека голем дел од центарот на градот е исто така блокиран.
Според меторолозите викедов во Македонија се предвидува пад на температурите кои ќе донесат и врнежи од снег.