Девет починати лица, 90 новоинфицирани и 48 излекувани е ковид билансот во земјава за последните 24 часа, информираат од Министерството за здравство (МЗ). Од таму посочуваат дека во изминатото деноноќие се направени 665 тестирања од кои со позитивни наоди се 36 лица од Скопје, осум од Штип, четири од Тетово, 10 од Струга, по две од Велес, од Битола, од Куманово, од Кочани и од Свети Николе, шест од Ресен, 13 од Охрид и по едно Гостивар, од Крушево и од Пробиштип-1.
Институтот за јавно здравје (ИЈЗ) денеска регистрира 48 оздравени пациенти и тоа од Скопје – 9, од Штип – 30, од Тетово – 1, од Велес – 1, од Гостивар – 4, од Струмица – 1, од Кочани – 1 и од Пробиштип – 1.
Починати се девет лица, пет од Скопје, двајца пациенти од Тетово, еден од Охрид и еден пациент од Гостивар.
На Клиниката за инфективни болести и фебрилни состојби почина пациент од Скопје на 90 годишна возраст, хоспитализиран на 15 јуни. На Институот за белодробни заболувања и ТБЦ е починат пациент од Скопје на возраст од 64 години.
Во ГОБ „8 септември“ починаа пациентка од Скопје на 70 годишна возраст, хоспитализирана на 10 јуни, пациент на возраст од 61 година од Гостивар, хоспитализиран на 17 јуни и пациент од Скопје на возраст од 57 години, примен на 17 јуни. На барање на семејството е испишан од болница 64 годишен пациент од Скопје, кој починал во кола по заминувaњето. Хоспитализиран бил на 17 јуни во тешка состојба како сомнителен на ковид, а потврден како позитивен по приемот.
Во Клиничката болница во Тетово починаа – две лица, пациент на возраст од 60 години, хоспитализиран на 20 јуни и пациентка на возраст од 70 години, хоспитализирана на 15 јуни. Во Општата болница во Охрид вчера почина пациент на возраст од 64 години, чиј позитивен резултат е потврден денес.
Вкупната бројка на ковид дијагностицирани лица во нашата земја од почетокот на епидемијата изнесува 5.196, бројката на оздравени пациенти е 1.974, на починати е 247, а бројот на активни случаи во земјата во моментот изнесува 2.975. Дистрибуцијата по градови е следна:
Скопје – 2.534, активни 1.721
Куманово – 694, активни 241
Дебар – 82, активни 30
Штип – 275, активни 188
Прилеп – 231, активни 18
Тетово – 538, активни 326
Струга – 180, активни 100
Велес – 167, активни 33
Битола – 42, активни 13
Охрид – 112, активни 92
Кавадарци – 11, активни 6
Гостивар – 83, активни 50
Гевгелија – 9, активни 5 (*2 лица од ПЕ Гевгелија се жители на Богданци)
Струмица – 10, активни 6
Крива Паланка – 11, активни 5
Радовиш – 4, активни 0
Крушево – 6, активни 3
Кочани – 61, активни 27
Пробиштип – 13, активни 10
Демир Хисар – 1, активни 0
Македонски Брод – 3, активни 1
Пехчево – 5, активни 2
Берово – 2, активни 1
Валандово – 6, активни 4
Виница – 3, активни 0
Делчево – 1, активни 0
Кратово – 4, активни 2
Свети Николе – 16, активни 14
Кичево – 8, активни 5
Ресен – 65, активни 64
Неготино – 19, активни 8 (* 10 лица од ПЕ Неготино се жители на Демир Капија)
Направените 665 теста се преку ИЈЗ – 217, преку ЦЈЗ Скопје – 34, преку МАНУ – 189, преку Клиниката „Жан Митрев“ (Филип Втори) – 106 и преку „Систина“ со PCR метода (за вчера и денес) – 119. Досега во земјата се направени вкупно 51.885 тестирања на ковид-19. Нема тестирања во рамките на скринингот.
На Инфективната клиника во изминатите 24 часа се примени 13 нови пациенти. Вкупно се хоспитализирани 106 пациенти. На кислородна поддршка се 49 пациенти, нема пациенти на механичка вентилација. Во монтажната болница се хоспитализирани 11 пациенти, во болницата во Козле еден возрасен пациент, позитивен на ковид-19.
Во ГОБ „8 септември“ се примени 12 нови пациенти, а вкупно се хоспитализирани 132 пациента. На респираторна машина се шест лица.
Во болницата во Битола се хоспитализирани 33 пациенти, а во болницата во Штип се хоспитализирани 20 пациенти. На инфективните одделенија во Тетово, во Охрид, во Велес, во Куманово и во Прилеп се хоспитализирани 76 пациенти, позитивни и сомнителни на ковид-19.
Активни случаи по општини Скопје заклучно со вчера (по завршување на епидемиолошките анкети, може да има измена во дистрибуцијата по општини во Скопје)
Чаир – 394
Аеродром – 135
Бутел – 144
Гази Баба – 156
Центар – 137
Карпош – 116
Сарај – 137
Кисела Вода – 98
Ѓорче Петров – 83
Студеничани – 86
Шуто Оризари – 73
Арачиново – 55
Илинден – 31
Петровец – 14
Чучер Сандево – 16
Сопиште – 13
Зелениково – 2
Странец – 4
Нераспределен – 4