Нови 118 случаи на заволени граѓани, четворица пациенти и 46 излекувани и најновиот ковид дневен биланс во земјата за последните 24 часа, информираат од Министерството за здравство (МЗ). Во изминатото деноноќие, според МЗ, се направени 1.363 тестирања, а регистрирани 55 позитивни лица во Скопје, 20 во Тетово, по девет во Охрид и во Куманово, пет во Ресен, по четири во Прилеп и во Гостивар, по две во Велес, во Струга и во Струмица и по едно во Дебар, во Штип, во Битола, во Гевгелија, во Свети Николе и во Кичево.
Институтот за јавно здравје (ИЈЗ) денеска регистрира 74 оздравени пациенти и тоа во Скопје – 37, во Штип – 3, во Прилеп – 5, во Тетово – 24, во Велес – 1 и во Гостивар – 4.
Во ГОБ „8 септември“ починаа четири лица од Скопје – пациент на возраст од 58 години, примен на 9 јуни, пациент на возраст од 73 години, хоспитализиран на 26 мај, пациентка на возраст од 73 години, примена во боницата на 22 јуни. Денеска е потврден дека бил позитивен и пациент на возраст од 72 години кој починал на 21 јуни.
Вкупната бројка на ковид дијагностицирани лица во нашата земја од почетокот на епидемијата изнесува 5.311, бројката на оздравени пациенти е 2.048, на починати е 251, а бројот на активни случаи во земјата во моментот изнесува 3.012. Дистрибуцијата по градови е следна:
Скопје – 2.588, активни 1.734
Куманово – 703, активни 250
Дебар – 83, активни 31
Штип – 276, активни 186
Прилеп – 235, активни 17
Тетово – 558, активни 322
Струга – 181, активни 101
Велес – 169, активни 34
Битола – 43, активни 14
Охрид – 120, активни 100
Кавадарци – 11, активни 6
Гостивар – 87, активни 50
Гевгелија – 10, активни 6 (*2 лица од ПЕ Гевгелија се жители на Богданци)
Струмица – 12, активни 8
Крива Паланка – 11, активни 5
Радовиш – 4, активни 0
Крушево – 6, активни 3
Кочани – 61, активни 27
Пробиштип – 13, активни 10
Демир Хисар – 1, активни 0
Македонски Брод – 3, активни 1
Пехчево – 5, активни 2
Берово – 2, активни 1
Валандово – 6, активни 4
Виница – 3, активни 0
Делчево – 1, активни 0
Кратово – 4, активни 2
Свети Николе – 17, активни 15
Кичево – 9, активни 6
Ресен – 70, активни 69
Неготино – 19, активни 8 (* 10 лица од ПЕ Неготино се жители на Демир Капија)
Направените 1.363 теста се преку ИЈЗ – 533, преку ЦЈЗ Скопје – 22, преку „Авицена“ – 73, преку „Биотек“ – 159, преку МАНУ – 145, преку Клиниката „Жан Митрев“ (Филип Втори) – 179, преку Судска медицина – 13 и преку „Систина“ со PCR метода – 239. Досега во земјата се направени вкупно 53.248 тестирања на ковид-19. Денеска нема тестирања во рамките на скринингот.
На Инфективната клиника во изминативе 24 часа се примени девет нови пациенти, вкупно се хоспитализирани 109. На кислородна поддршка се 46 пациенти, нема пациенти на механичка вентилација. Во монтажната болница се хоспитализирани 13 пациенти, во болницата во Козле еден возрасен пациент и две деца позитивни на ковид-19.
Во ГОБ „8 септември“ се примени 13 нови, а вкупно се хоспитализирани 127 пациенти. На респираторна машина се 7 седум лица.
Во болницата во Битола се хоспитализирани 31 пациент, а во болницата во Штип се хоспитализирани 20 пациенти. На инфективните одделенија во Тетово, во Охрид, во Велес, во Куманово и во Прилеп се хоспитализирани 85 пациенти, позитивни и сомнителни на ковид-19.
Активни случаи по општини Скопје заклучно со вчера (по завршување на епидемиолошките анкети, може да има измена во дистрибуцијата по општини во Скопје)
Чаир – 402
Аеродром – 136
Бутел – 138
Гази Баба – 150
Центар – 131
Карпош – 116
Сарај – 137
Кисела Вода – 98
Ѓорче Петров – 80
Студеничани – 86
Шуто Оризари – 73
Арачиново – 49
Илинден – 31
Петровец – 16
Чучер Сандево – 15
Сопиште – 12
Зелениково – 2
Странец – 4
Нераспределен – 4