Загинаа сите патници и членови на екипажот при уривање на патнички авион од типот „Челинџер 200“ во Казахстан, близу поранешниот главен град Алмати.
Во авионот на казахстанската авиокомпанијата СКАТ имало 16 патници и петмина членови на екипажот.
Авионот се урнал при вториот обид за слетување на аеродромот во Алмати, каде му била крајната дестинација по полетувањето од од северноказхстанскиот град Кокшетау.
Според казахстанските медиуми најверојатна причина за уривањето на авионот е густата магла во реонот на Алмати.
Во врска со овој инцидент, руското Главно транспортно обвинителство подготвува кривична пријава поради непочитување на нормите за безбедност во воздушниот сообраќај.
Ова е втора авионска несреќа во Казхстан за еден месец, откако на 25 декември во близина на градот Шимкент на југот од земјата се урна воен транспортен авион, при што загинаа сите 27 патници и членови на екипажот.