Локалната самоуправа во Волгоград денеска го изгласа, по повод 70 годишнината од поразот на нацистите во битката за Сталинград, најголемата во Втората светска војна, предлогот да шест дена во годината овој град го носи своето борбено име.
Во прослава на победата во една од најголемите битки во историјата, во која 200 дена учествувале повеќе од 2.5 милиони војници, официјално одлучија овој град да го носи името Сталинград.
Оваа одлука се однесува на шесте комеморативни денови, вклучувајќи го и 2 фебруари, кога нацистичките сили се предадоа на Црвената армија како и 9 мај денот на победата.
Активистите во Русија, покрај групата Меморијал која се бори за зачувување на историското сеќавање, се жалат дека руското друштво сеуште се нема соочено со злоделата на Сталин, особено оние чистки во текот на триесетите години на минатиот век.
Деновиве педесет илјади граѓани потпишаа петиција која е предадена на претседателот Владимир Путин, во која бараат овој град да биде трајно преименуван во Сталинград.