Максим Димитриевски пак се кандидира за градоначалник на Куманово

Актуелниот градоначалник на Општина Куманово, Максим Димитриевски се кандидира за нов мандат на локалните избори во октомври, соопштија од општината. Мотив за нов градоначалнички мандат на Димитриевски му била поддршката од граѓаните.

– Градоначалникот Димитриевски заедно со својот тим и со поддршка од граѓаните во изминатите неполни четири години успеа во реализација на многу заеднички проекти за Куманово и кумановчани, со што покажа вистинска промена и докажува дека Куманово се менува на подобро, соопштија од Општина Куманово.

Максим Димитриевски на локалните избори во 2017 година ја доби победата во Куманово и го наследи дотогашниот градоначалник Зоран Дамјановски – Циц, кој исто така беше од редовите на СДСМ.