Шефот на организацискиот одбор Токио 2020, Сеико Хашимото, зборуваше за спецификите на церемонијата на отворање на Олимписките игри.
Минатата недела стана познато дека главната тема на церемонијата на отворањето е „Одење напред“ како референца за борбата против пандемијата КОВИД-19, поради што Игрите мораа да се одложат за една година. Закрепнувањето од земјотресот во источна Јапонија во 2011 година, исто така, ќе биде опфатено за време на церемонијата на отворање, рече Хашимото.
– Очекувам ова да биде вклучено во концептот на церемонијата, но не можам да ја откријам содржината на она што ќе го покажеме. Заради состојбата со пандемијата, би сакале што повеќе луѓе да ја видат состојбата на закрепнување. Нема да биде фестивал. Мислам дека ќе имаме сериозна церемонија, изјави Хашимото.
Свеченото отворање на Олимписките игри во Токио ќе се одржи утре (23 јули) во 13 часот по македонско време