Лидерот на најголемата опозициска партија, Христијан Мицкоски, вечерва на трибина во Прилеп рече дека ќе се донесе Закон за тутун со кој ќе се забрани увоз на тутун се додека не се откупи последниот лист домаше тутун, а со ова, посочува Мицкоски, ќе се врати достоинството и развојот на градот.
– Нема да има тутунари кои што нема да бидат задоволни затоа што првата работа што ќе ја направиме за тутунарите е да донесеме закон со кој што ќе биде забранет увозот на тутунот додека тутунот кој што е непродаден не се продаде до последниот лист и тоа го ветувам овде во Прилеп, до последниот лист произведен тутун, закон во македонскиот парламент, рече Мицкоски.
Мицкоски пред граѓаните најави и автопатско решение од Скопје до Прилеп.
– Денеска тука во Прилеп ќе имаме можност да го промовираме проектот кој што започна овде од Прилеп, а тоа е проектот изградба на ново автопатско решение Скопје Велес преку Бабуна, Прилеп, Битола, Меџитлија. Но исто така ќе зборуваме за концептот на целосно дигитализирана општина, рече Мицкоски.