Протестот пред Собранието кој беше најавен како граѓански, послужи за испраќање на политички пораки и ја доведе во прашање неговата смисла за одржување. Оваа констатација не само што наоѓа потврда во иконографијата на протестот, туку и во пораките испишани на транспарентите и во говорите на дел од присутните, кои најмалку го споменуваа здравјето а најмногу пораките кои и без тоа јавноста ги слуша од опозициските партиски бини дека, „власта го продала името“, дека „ја украла историјата“ и сето ова зачинето со знамињата со Ѕвездата од Кутлеш, со сечење и палење заштитни маски, со закани по животот кон претседателот на Владата Зоран Заев, недоличен транспарент со министерот за здравство Венко Филипче… Со сето ова и вака срочено, колку и организаторот да го најавувал протестот за граѓански и антиваксерски, намерата му „падна во вода“.
Протестот наликуваше на неартикулиран собир, со пораки кои внесуваат недоумици, треба да предизвикаат страв кај дел од јавноста и да збунат. Па не само што „ удрија“ по владата и лекарите кои ги нарекуваа „ убијци“, не беа поштедени ни новинарите на кои и овој пат им беше залепена налепницата „платеници“.
Ваква вечерва беше сликата пред Собранието каде се одржа протест на граѓаните кои се против вакцинација и не веруваат дека постои Ковид 19. Најмалку на протетстот имаше издржани аргументи зошто не сакаат да се вакцинираат. Наместо тоа се зборуваше за теории на заговор кои биле смислени пред 10 години, а сегашните политичари секаде во светот само ги исполнувале.
На протетсот преку транспаренти беа испратени пораки: „Заштити ја планетата, отстранија ја елитата“, „Мое тело – божја сопственост“, „Моето тело е мој избор“, „Стоп за присилна вакцинација“ и „Слободата нема цена“.Протестот е во пресрет на утрешните мерки со кои во угостителски објекти и на собири каде има повеќе од 30 луѓе ќе биде дозволен влез само со сертификат за вакцинација или потврда за прележан ковид не повеќе од 45. Кој и да ги „ насскал“ овие луѓе би требало длабоко да се запраша, во што ги втурнува, ама најискрено, и сите нас.Траорно и нехумано во секој случај.