Парите од ЕУ, според Советот, би требало да бидат употребени за реформи кои би го отвориле патот кон членство во Унијата.
Земјите од Западен Балкан (Северна Македонија, Албанија, Косово, Босна и Херцеговина, Црна Гора и Србија) и Турција до крајот на 2027 година треба да добијат помош во висина од 14,2 милијарди евра од т.н. помош за приближување кон Европската унија, пренесе Дојче Веле.
Помошта, која во јуни годинава беше „испреговарана“ од страна на португалското претседателство со Унијата и претставници на Европскиот парламент, вчера доби зелено светло од Советот на земјите членки на ЕУ.
Парите од ЕУ, според Советот, би требало да бидат употребени за реформи кои би го отвориле патот кон членство во Унијата. Средствата ќе се распределуваат во зависност од реформските напори на секоја земја, објаснуваат од Советот.