Демократската Унија за Интеграција (ДУИ) денеска преку прес-конференција
елаборираше еден од петте столба на нејзината Изборната програма,
вклучувањето на граѓаните во донесувањето на одлуки.
Агим Нухиу од ДУИ истакна дека секојдневната политика подразбира
донесување чести и важни одлуки кои влијаат на секојдневниот живот на
граѓаните и нивната
иднина.
Според ДУИ, сите градоначалници се должни да организираат референдум за
сите важни прашања и да ја почитуваат волјата на мнозинството граѓани.
“Избери живот и гласај зелено“ – е слоганот на Демократската унија за
интеграција за локалните избори кои ќе се одржат на 17 октомври.
Вчера, го претставивме слоганот, додека денес пред вас го претставуваме
еден од петте столба на Изборната Програма на Демократската Унија за
Интеграција, Агендата за вклучување на граѓаните во донесувањето на
одлуки.
Како партија на дадениот збор и направено дело, Демократската Унија за
Интеграција се согласи со сите кандидати за градоначалник да се
придржуваме до петте заклетви:
-Зелената агенда
-Дигиталната агенда
– Aгендата на вклучување на граѓаните
– Агендата на отворена врата и
– Агендата нула толеранција.
Дневната политика подразбира донесување чести и важни одлуки кои влијаат
на секојдневниот живот на граѓаните и нивната иднина.
Вклучувањето на граѓаните во одлучувањето значи дека главните одлуки
нема да бидат донесени од тесниот круг на раководење во општината
непосредното раководство на општината, туку од ВАС, од граѓаните.
Сите наши градоначалници се должни да организираат референдум за сите
важни прашања и да ја почитуваат волјата на мнозинството граѓани.
Граѓаните ќе зборуваат сами и заедно ќе одлучиме.
Гласот на граѓаните ќе се зајакне уште повеќе. Вие граѓаните ефективно
ќе учествувате во јавната политика и одлучувањето во нашите општини.
За да се постигне ова, Демократската Унија за Интеграција во овој нов
мандат ја подаде раката и го направи партнер граѓанскиот сектор.
Бројни личности од граѓанското општество се дел од Листите на советници
за локалните избори на 17 октомври.
Демократската Унија за Интеграција, пред неколку недели објави јавен
конкурс за советници во општина Гостивар, каде интересот на граѓаните
беше исклучително голем, со што се направи најдобриот избор за граѓаните
на Гостивар.
Повеќето кандидати од граѓанското општество веќе се дел од листата на
советници.
Во сите ограноци, Демократската Унија за Интеграција вклучи претставници
од граѓанското општество во листите за општински советници, со
единствена цел придонесот да биде што е можно поголем преку заедничкото
одлучување, за еден нов стандард на локално ниво.
Почитувани граѓани.
Денес, го избираме зеленото , го избираме животот, бидејќи ова е
најдобрата иднина за нас и за генерациите што доаѓаат,Избери Живот,Гласај Зелено!, изјави на прес конференцијата Нухиу.