Опозицијата бара оставка од Владата на Република Српска. Денешната седница на Народното собрание на Република Српска започна со барањата на пратениците на опозициските партии Владата на Република Српска да поднесе оставка поради аферата „Кислород“, пренесува „Слободен печат“.
Се работи за тврдење кое изминатите денови беше презентирано во медиумите каде беа прикажани документи кои покажуваат дека болниците во РС се снабдувале со кислород од компании кои немале дозвола од Агенцијата за лекови на БиХ, за производство, трговија и дистрибуција на медицински кислород, туку бил испорачуван технички кислород за пациентите.
Во меѓувреме на фирмата ТГТ Техногас која ги снабдувала болниците со технички, наместо медицински кислород и беше забрането да работи, а од лабораториските наоди ќе се знае кој ќе ја понесе одговорноста за таканаречената афера „Кислород“.