Заев верува дека е можно решение со Бугарија до крајот на годинава затоа што, според него, разликите не биле толку големи и дека двете страни имале должност да отворат иднина а не да останат во минатото.
Декларацијата усвоена вчера на Самитот ЕУ-Западен Балкан е прецизна, оцени претседателот на владата.
-Оваа прецизна Декларација што вчера ја усвои Еворпскиот совет на Самитот како лист хартија не им значи ништо како на Северна Македонија, така ниту на Албанија, верувам и на останатите четири земји од Западен Балкан. Треба да има дела, зашто нашата главна стратешка аспирација и цел е полноправно членство во ЕУ, а стратешката цел на надворешната политика на ЕУ пак, е Западен Балкан. Едни со други сме поврзани и едни од други зависиме, како на планот на економијата која е поврзана, така и на друг план“, рече тој.
Во тој дел го спомена менаџирањето на бегалските кризи, кои не се возможни без Северна Македонија, Албанија, Грција или Бугарија, но и во сферата на енергетиката. Струја не може да се испорача од Грција кон Унгарија и Хрватска без да помине низ Западен Балкан.
-Ние сме во Европа и нема бегање од тоа, изјави Заев.