Close Menu
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
What's Hot

Емил Цветанов: Федерацијата работи во интерес на сите клубови и спортисти подеднакво

November 19, 2026

Украинската амбасадорка Дир: Милиони животи се загрозени поради студот и темнината

October 30, 2026

34 години АРМ: Од „боси по трње“ до рамноправна и достојна членка на НАТО

August 16, 2026
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
НОВА ТВНОВА ТВ

Интервју со Ана Петровска-Кандидат за градоначалник на Скопје поддржана од НВО „Зелен Хуман Град“

0
By Mirjana on October 11, 2021 ВЕСТИ
СПОДЕЛИ
Facebook Twitter LinkedIn Email
Published: Monday, October 11, 2021 16:00

НоваТВ ги покани на интервјуа, кандидатите за градоначалници на скопските општини и Градот Скопје, од сите поголеми партии и независни листи. Оние што досега одговорија позитивно на нашата покана, интервјуата ги емитуваме по редослед на одговарање.

Тоа што Скопје се развива во погрешна насока и што граѓаните заслужуваат да живеат во почиста животна средина и да дишат чист воздух, и затоа што „Зелен Хуман Град“ на чиј предлог е мојата кандидатура, можат да направат пресврт во раководењето на Грдаот Скопје и на советот на Градот Скопје, е главниот мотив да влезам во трката за Скопје, вели во интервју за НоваТв , Ана Петровска. Важно и е семејството, музиката која ја практикувала свирејќи пијано, ги обожува  дружбите на викендицата во Чучер-Сандево, пчелите и кучето Чарлс Дарвин. 

НоваТв: Петровска што најмногу ве инспирира да влезете во трка за Скопската градоначалничка фотеља за што поддржани сте од невладината со еколошки предзнак „Зелен Хуман Град“ ?

– Мојата канидидатура за градоначалник на Скопје е испирирана од две причини:

1.Скопје се развива во погрешна насока, во смисла на бетонизација и загадување. Јас сум архитект и просторен планер со големо искуство во заштита на животната средина. Имаме неповторлива шанса со нашииот тим да работиме на новиот Генерален урбанистички план и други важни зелени политики, за да ги запреме штетните процеси на клиентелистичките раководства поставени од големите политички партии, кои градот го водат по погрешен пат.

2.Мојата кандидатура ја предложи Зелен хуман град – активистичка коалиција, која обединува граѓански организации и активисти што долги години работат на теми од интерес за Градот Скопје. Овие луѓе можат да направат пресврт во работата на Советот на Градот Скопје и да ги вклучат граѓаните во донесувањето одлуки, креирањето на буџетот и трошењето на јавните пари.

НоваТв: Разрешувањето на директорската позиција во Државниот инспекторат за животна средина, влијаеше врз одлуката или ја забрза истата за да се решите на кандидатурата за градоначалник на Скопје?

-Доколку останев директор на државниот инспекторат за животна средина ќе продолжев да придонесувам за намалување на загадувањето. Понудата на Зелен хуман град дојде во време кога се двоумев дали воопшто да продолжам да делувам во политиката, но сепак избрав, заедно со луѓето од листата на кандидати за советници, да направиме се` Скопје да стане зелен и хуман град.

НоваТв: Архитект сте по вокација со искуство на планот на зелените политики. Колку ова домашно и меѓународно искуство ви дава предност пред другите кандидати посебно околу идејата за „паметен град“ за планирањето, за организацијата на животниот простор..?

-Во 2002 година кога работев на Генералниот урбанистички план за Скопје, со стручен тим воспоставив параметри за хумано живеење. Овој план во 2012 го трансформираа во алатка за уништување на зеленило.  Во 2011 година бев ко-претседател на работната гупа за енергија и паметнии мрежи, во рамките на европската платформа за „паметен град“. Две години (2018-2020) бев менаџер на преку 200 административни службеници. Добро ги познавам надлежностите на градот, можам да се справам со урбанистичката мафија, знам како да се контролира индустријата. Запознаена сум со функционирањето (или не функционирањето) на јавните претпријатија Комунална хигиена, Водовод и канализации и ЈСП. Крајно време е Скопје да стане место за живеење во кое не сме отуѓени, во домовите имаме сонце и чист воздух и имаме каде да се рекреираме.

НоваТв: Која е вашата визија за Скопје во наредните 4 години. Она што е мото на Вашата кампања е „ хуманизација на градот“ и „ стопирање на бетонизацијата“. Како мислите да го постигнете тоа?

-Ќе донесеме нов Генерален урбанистички план за да спречиме натамошна бетонизација. Итно ќе го завршиме Катастарот и Стратегијата за урбано зеленило, за да го заштитиме целото слободно и непарцелирано зеленило и да направиме нови паркови.

НоваТв:Што е она што најмногу ви пречи во Скопје денес, и што е она што прво планирате да го направите доколку ја добиете довербата од граѓаните на Скопје?

-Насекаде има отпад, бидејќи собирањето на отпадот не е добро испланирано. Ќе работиме со граѓаните да се зголеми стапката на рециклирање и компостирање и напоредно ќе ги исчистиме дивите депонии; Вардариште ќе го контролираме и постапно ќе го затвораме и рекултивираме. Ќе поставиме видео надзор на сите локации на кои е исфрла отпад и шут. Ќе го зголемиме бројот и ќе работиме на стручно усовршување на инспекторите за да се вршат темелни и непристрасни инспекциски контроли. Ќе ангажираме инспектори од други земји за помош при покомплексни инспекциските контроли. Зградите во сопственост на градот ќе ги направиме енергетски независни (со сончеви панели) и енергетски ефикасни (со изолација и замена на прозорци и врати). На социјално ранливите граѓани ќе доделиме субвенции и социјални пакети и ќе инсталираме фотоволтаици за производство на струја и греење

НоваТв: Програмата изобилува со проекти кои сите вака, срочени на хартија, изгледаат убаво и атрактивно. Може ли да издвоите неколку од Вашата програма што ви се  на „срце“?

-Ќе издвојам уште два важни приоритети од нашата програма:

1.Преобмислување на сообраќајниот концепт и зголемување на безбедноста на сите учесници во сообраќајот. Спроведување на планот за одржлива мобилност и заокружување на велоинфраструктурата, оптимизирање на автобуските линии и обезбедување нивен приоритет во движењето. Редовно одржување на автобусите.

2.Воведување програми за развој на занаетите: ангажирање на младите во зелени стартапи и инвестиции. Поттикнување на зелени иновации.

НоваТв: Како очекувате да ја реализирате Вашата изборна програма доколку сте градоначалник, од аспект на власта со која неминовно ќе треба да имате соработка и во делот на финансиите за одредени проекти и како логистика? Како би ја воспоставиле кохабитацијата?

-Додека служев на јавна фунција во институциите, научив како да се изборам за имплементирање на важни еколошки проекти. Во Советот ќе влезат и советници од Зелен хуман град и заедно ќе бидеме посилни. Ќе има предизвици, но ќе ги решаваме заедно со граѓаните – чесно, посветено и транспарентно.

НоваТв: Нашето последно прашање е лично. Како би се опишале себеси. Што е она што ве радува и растажува, кое е вашето хоби, пасија, нешто без што не можете. Кој жанр книги ви се омилени,која музика,кој филм а секако јавноста ја интересира и вашето животно мото?

-Ме радуваат моите најблиски, семејството. Не можам без нивната љубов, се` друго е споредно. Музиката ми е исто така важна: во младоста свирев пијано. Сакам кога се дружиме во викендичката на наши пријатели во Чучер-Сандево, таму имаме пчели и таму најубаво се истрчува нашето куче Чарлс Дарвин. Немам многу време за себе, но тоа е мојот избор, да го работам она што го сакам.

Интервју Ана Петровска
Share. Facebook Twitter LinkedIn Email
ТИКЕР

Почнува смената на власта во Србија: Конститутивна седница на Народното собрание

November 17, 2026

КЛИМАТСКИ РОЛЕРКОСТЕР – серија текстови на Зелен ЦИВИЛ: Есента се менува, градовите се загреваат

November 14, 2026

Скопскиот филмски фестивал продолжува да го менува културниот пејзаж на градот

November 12, 2026

КРВАВ МАСАКР ВО КРАКОВ: Шестмина убиени на плоштадот, три тела пронајдени во домот на напаѓачот

November 8, 2026

„Блунами“ во САД: Нов инфографик на ЦИВИЛ МЕДИА за изборниот пресврт и последиците за Трамп

November 4, 2026
shortcut
ФОКУС
September 30, 2026Updated:September 30, 2026

Мицкоски пред средбата со Фон дер Лајен: Подготвени сме за разговор и решение, обврските ги наследивме од претходната власт

ПОЛИТИКА September 30, 2026

Претседателката на Европската комисија Урсула фон дер Лајен в петок, 2 октомври, ќе престојува во…

Исланд гласа за или против обновување на преговорите за членство во Европска Унија

August 29, 2026

Техеран го повика Вашингтон да признае воен пораз

August 16, 2026

Букурешт: Дуња Иванова четврта на Балканот во МТБ маратон во Романија – 73 км. должина и 2.400 м. висинска разлика

August 15, 2026
ТИКЕР

Почнува смената на власта во Србија: Конститутивна седница на Народното собрание

November 17, 2026

КЛИМАТСКИ РОЛЕРКОСТЕР – серија текстови на Зелен ЦИВИЛ: Есента се менува, градовите се загреваат

November 14, 2026

Скопскиот филмски фестивал продолжува да го менува културниот пејзаж на градот

November 12, 2026

КРВАВ МАСАКР ВО КРАКОВ: Шестмина убиени на плоштадот, три тела пронајдени во домот на напаѓачот

November 8, 2026

„Блунами“ во САД: Нов инфографик на ЦИВИЛ МЕДИА за изборниот пресврт и последиците за Трамп

November 4, 2026
CIVICA
Facebook
  • Редакција
  • Маркетинг
  • Политика на приватност
© 2026 НОВА ТВ

Type above and press Enter to search. Press Esc to cancel.