Денеска се одржа уште едно рочиште за случајот „Плацеви на Водно“ во кој сведочеше Александар Ивановски, познат во бизнис заедницата како Алек Теранова. Тој сведочеше дека бил замолен од Сашо Мијалков да отвори фирма по име „Сирах“ во Скопје што би била фирма ќерка на истоимена оф шор фирма формирана на Белизе.
Мијалков го праша Ивановски дали имал материјален доказ за тоа што го зборува, но Ивановски му рече дека не поседува материјален доказ зашто бил разговорот по телефон.
Ивановски само потврди дека потпишал документација за основање фирма ќерка на офшор компанија , но оти не знае кога била таа основана.
Мијалков, извлече заклучок од сведокот Ивановски дека тој нема материјални докази ниту за телефонските разговори ниту за тоа дека бил праќан, како што тврдеше Ивановски, во општина Центар за проверка на ДУП-овите односно ГУП-овите за Водно.
Ивановски , сведочеше и за становите на Груевски на Бихаќка, дека едниот го платил Груевски а едниот го платил тој лично.
Ивановски, како што самиот тврдел не знаел за кого е услугата што ја барал Мијалков од него ниту за становите и дека тоа го дознал подоцна од „бомбите“ и од комшиите на становите кои испадна дека ги купила „секретарка“ на Груевски.
