Ахмети и Баумгартнер разговараа за последните политички случувања во
Северна Македонија, важноста на политичката стабилност и конзистентност
за земјата да продолжи со нејзиниот пат кон Европската Унија и што
побрзото решавање на спорот со Бугарија, информираа денеска од Демократската Унија за Интеграција.
Претседателот на Демократската Унија за Интеграција, г. Али Ахмети се
сретна денес со Амбасадорот на Република Франција во Северна Македонија,
г. Кирил Баумгартнер.
Ахмети и Баумгартнер разговараа за последните политички случувања во
Северна Македонија, важноста на политичката стабилност и конзистентност
за земјата да продолжи со нејзиниот пат кон Европската Унија и што
побрзото решавање на спорот со Бугарија, инфомрираа денеска од Демократската Унија за Интеграција.
Лидерот на ДУИ, Али Ахмети, изрази благодарност до амбасадорот
Баумгартнер за континуираната поддршка што Република Франција и ја дава
на земјата, нагласувајќи ја потребата од понатамошно продлабочување на
добрите билатерални односи меѓу двете земји.
Ахмети ја оцени како исклучително важна улогата и конструктивниот
пристап на Франција за европската перспектива на Северна Македонија,
особено во периодот на нејзиното претседавање со Европската Унија во
периодот од Јануари до Јуни 2022 година, поздравувајќи ја иницијативата
на Самитот за Западен Балкан за време на француското претседавање.
Г. Ахмети го поздрави изборот на новата влада во Бугарија и ја изрази
потребата и подготвеноста за одвивање на интензивен и конструктивен
дијалог во следните месеци за затварање на билатералното прашање меѓу
двете земји и за одржување на првата меѓувладина конференција со
Европската Унија.
Двајцата соговорници ја изразија подготвеноста и потребата за
поинтензивна соработка меѓу двете земји во насока на унапредување на
евроинтегративниот процес на Северна Македонија и земјите на Западен
Балкан, што поскоро одржување на првиот меѓувладин состанок и одредување
датум за преговори со Европската Унија.