Published: Wednesday, January 5, 2022 13:38
Претседателот на Алтернатива, Африм Гаши, и потпретседателката на партија Сафије Садики-Шаини денеска се сретнаа со претседателот на СДСМ, Димитар Ковачевски.
Како што на својот Фејсбук-профил објави Гаши, на средбата било разговарано за владиниот план за држава со европска и прогресивна ориентација.
– Честитајќи му за новата задача на новоизбраниот претседател на Социјалдемократите, Ковачевски, меѓу другото, разговаравме и за иднината на државата и владиниот план за држава со европска и прогресивна ориентација, напиша Гаши.
Алтернатива, како дел од новата влада, посочува тој, ќе се заложи за унапредување на државата кон европското семејство и градење на прогресивна држава.