– Секогаш кога Али Ахмети сака да се допадне на меѓународната заедница во неговите средби се откажува од Косово, и ја фали иницијативата на Србија Отворен Балкан каде Косово не се споменува, и измислува зелена агенда,а кога треба да се делат тендери, Ахмети станува загрижен патриот, реагираат од ВМРО-ДПМНЕ на објавата на ФБ на лидерот на ДУИ во која најавува промена на стратегијата кон двете најголеми партии.
Ахмети не треба да се чуди зошто ДУИ ја обвинуваат за корупција туку треба да ги провери и кадрите кои 20 години се извор на криминал и корупција, реагираат од ВМРО-ДПМНЕ.
Зелената агенда на ДУИ и темата со етничките права на заедниците се измислени за да ДУИ се покрие во моментите кога од народот краде највеќе.Функционерите на ДУИ не смеат да бидат феудалци кои се недопрени од закон, кои се богатат на грбот на сите граѓани на Македонија, стои меѓу другото во соопштението на ВМРО-ДПМНЕ одговор на тезите на Ахмети дека двете најголеми партии секогаш ја посочувале ДУИ за виновник за дневно политички потреби и дека партијата ја менува стратегијата на дејствување.