Published: Tuesday, February 15, 2022 15:33
Пратеничката од СДСМ Жаклина Лазаревска денеска излезе со порака дека таа и пратеничката група на СДСМ и коалицијата , продолжувајќи да работат во интерес на граѓаните, ќе го изгласаат Законот за наставниците и стручните соработници во основните и во средните училишта, предложен од Владата, со кој се покачува платата на наставниците и на стручните соработници и со кој се трансформира нивниот работен однос.
Овој предлог Закон веќе цела година бил во Законодавниот дом попречуван од ВМРО ДПМНЕ, информира пратеничката Лазаревска, за сега кога е на ред неговото носење, да го пофали и да достави ист таков предлог, вели пратеничката.
– Цела година пратениците на ВМРО-ДПМНЕ го блокираа донесувањето на предлог Законот за наставниците и стручните соработници во основните и средните училишта и со тоа директно го оневозможија покачувањето на нивните плати и трансформацијата на работниот однос на над 4.700 наставници и стручни работници. Откако цела година оневозможуваше сите наставници и стручни работници во основното и средното образование да добијат повисока плата и насилно и со празни процедурални забелешки ја кочеше собраниската процедура сега ВМРО-ДПМНЕ без трошка срам признава дека предложеното законско решение е добро и исто такво доставува во собраниска процедура, вели пратеничката Лазаревска.
За жал, ВМРО-ДПМНЕ продолжува со деструктивното однесување и над 4.700 наставници и стручни соработници кои со години посветено работат на образованието и воспитувањето на нашите деца ги етикетираше како партиски послушници. Ова е уште еден доказ за лицемерието на ВМРО-ДПМНЕ. Оваа партија ниту мисли на граѓаните, ниту сака тие да имаат повисоки плати, ниту се грижи за нивниот животен стандард, а најмалку пак се грижи за квалитетно образование на децата. Граѓаните ги препознаваат овие проѕирни игри на ВМРО-ДПМНЕ и точно знаат дека политиките на оваа партија не носат ништо добро за нашата земја и за нашите граѓани.СДСМ со конкретни политики и решенија го подобри стандардот на граѓаните, за 100 проценти ја покачи минималната плата, а работи и на покачување на платите во сите сектори, констатира пратеничката Лазаревска од СДСМ.