Црвенковска се сретна со претставници на Амбасадата на САД: Со професионален кадар и дигитализацијата до успешни реформи

Претседателката на Судскиот совет, Павлина Црвенковска оствари работен состанок со правниот советник во амбасадата на САД, Кол Радовиќ и со директорката на ИНЛ секцијата, Џоана Кетцман.

На состанокот, како што информира Судскиот совет, било дискутирано дека транспарентноста на судството, финансиското менаџирање, дигитализацијата, како и пополнувањето на судовите со професионален кадар е од исклучителна важност за успешно спроведување на реформите во создавањето на независен и објективен судски систем.

Тимот од амбасадата на САД изразил поддршка за Судскиот совет за имплементација на клучните функции.