„Курсот на денарот е стабилен, девизните резерви се на исклучително солидно ниво и имаме капацитет и простор да ја одржуваме стабилноста на девизниот курс, велат од Народната Банка.
„Денарот е стабилен. Досега сите промени кај девизните резерви, во целост се конзистентни со нашите очекувања. Нивото е високо, некаде околу 3,4 милијарди евра, и да нагласам дека ова ниво е повисоко и во однос на нивото коешто го имавме на самиот почеток на пандемијата. Всушност, по сите параметри на резервите што ги следиме, тие се адекватни и се, де факто, огледало на нашиот капацитет да ја одржуваме стабилноста на курсот“, посочува Народна Банка во соопштение.
Од Банката посочувата на извештајот за нашата економија од страна на Меѓународниот монетарен фонд, кој јасно и експлицитно кажува дека курсот е целосно конзистентен, не само со економските параметри, туку и со политиките кои што се водат и оттаму нема апсолутно никаква потреба од промена на нивото на курсот, коопштуваат од Народна Банка.