Прес-секретарката на Белата куќа, Џен Псаки, денеска навести дополнителни мерки за казна на рускиот претседател Владимир Путин за инвазијата на Украина, кои ќе бидат во правец на потиснување на руската економија, јави Си-Ен-Ен.
За време на гостувањето на Си-Ен-Ен, таа го промовираше глобалното единство од НАТО и другите земји со цел „да се бара одговорност од претседателот Путин“, наведувајќи ги чекорите на санкциите и другите најавени потези.
„Рубљата драстично падна; тие ја држеа берзата затворена затоа што беше толку катастрофална, а ние веќе ги гледаме влијанијата“, рече таа, укажувајќи и на воената и безбедносната помош за Украина, бидејќи рече дека „ќе дојде уште за да продолжи да го притиска Путин. ”
Прашана дали САД со мерките ќе го таргетираат извозот на гориво на Русија, таа рече дека САД „сакаат да го максимизираат влијанието врз претседателот Путин“ и дека приоритет на Белата куќа е да се минимизира неговото влијание дома.
„Сè уште е на маса, не е надвор од масата“, рече Псаки за напорите да се забрани извозот на руска нафта. „Она што претседателот Бајден не сака да го направи е да ги собори глобалните пазари на нафта или глобалниот пазар, или да влијае кон повисоки цени на енергијата и гасот.
Таа го повтори ветувањето на Бајден дека нема да испраќа американски војници да се борат во Украина, но укажа на хуманитарна и економска помош.
На прашањето дали САД директно се координираат со своите украински воени партнери, таа рече дека има „апсолутнa размена на информации“. Но, одби да коментира дали претставниците на американската одбрана биле вклучени во воените планови за запирање на огромниот руски конвој надвор од Киев, истакнувајќи дека САД се во „редовна, постојана врска“ со украинските лидери.
Таа го нарече рускиот напредок во цивилните центри „фрустрирачки“, „вознемирувачки“ и „застрашувачки“.
„Ова е модел на ужас од претседателот Путин и од пријателите околу него“, рече таа.