Од Владата уверуваат дека не се очекува ценовен шок и дека внимателно се следат трговците во делот на придржувањето кон одлуката за непокачување на маржите. Портпаролите Душко Арсовски и Муамет Хоџа изјавија дека количините на храна и нафтени деривати се задоволителни.
– Има задоволителни количини храна и нафтени деривати, и редовно се разгледуваат потребите за дополнување на резервите, децидно порачаа портпаролите Арсовски и Хоџа.
Владата на денешната редовна 19 седница ја усвои информацијата од министерството за надворешни работи за состојбата со македонските државјани во Украина и процесот на нивно преземање како и за украински државјани кои или се веќе во земјава или ќе дојдат. Едно од олеснувањата што се донесени за украинските државјани што како бегалци ќе побараат помош во нашата држава е да немораат да поседуваат пи си ар тест.
Владата ги задолжила надлежните институции за детекција на сместувачките капацитети за можните бегалци од Украина.
(М.Т.)