Изложба за експедиција

Изложбата насловена „Илина и македонските уметници на пат кон Монт Еверест” ќе биде отворена вечерва во 18.30 часот.
Изложбата е продажна со цел да се соберат средства за поддршка на долгонајавуваната експедиција “Прва македонка на Монт Еверест” која поради недостиг на финансиски средства веќе трета година се одложува.
Освен ликовни дела на Илина изложбата ја поддржаа со донирање на слки и други експонати уште дестина автори од разни генерации на македонската ликовна сцена. Меѓу учесниците се: Миро Масин, Горјан Ѓорѓиев, Решат Амети, Симонида Филиповска Китановска, Жанета Гелевска Велјаноска, Урош Вељковиќ, Драгица Ристеска, Никола Пијанманов, Билјана Каровска, Ивана Младеновска, Др.Душан Јовановски, Ведран Бојановски, Весна Радисич, Маријана Петкова и други.
Изложбата ќе ја отворат претставници на Американската амбасада во Скопје, Merry Jo Wohlers , сопругата на американскиот амбасадор во РМ, и Aangela Aggelar – односи со јавност при американската амбасада во Скопје.
Илина Арсова по номинација на амбасадата на САД во РМ, учествува на Глобална менторска програма за жени во спорт, како една од 17те избрани женски лидери од светот. Програмата е иницирана од Стејт Департментот на САД под директно покровителство на Хилари Клинтон.
Арсова работи во развој и промоција на спортски туризам во Македонија и во трети земји, а организира и алпинистички и високогорски експедиции.