Хрватскиот претседател и врховен командант на вооружените сили, Зоран Милановиќ утрово свика итен состанок со членовите на оружените сили на Хрватска и безбедносно разузнувачките агенции поради падот на беспилотно летало од воен тип крај Загреб. Притоа бил информиран за досегашните сознанија и околности за синоќешниот инцидент.
„Знаеме каков објект долетал и од каде. Не добивме никаква дојава од разузнувачките служби. Ова е сериозен инцидент и истрагата е во тек. Ги повикувам граѓаните да останат мирни, бидејќи вакви работи може да се случат во воени конфликти. Мора да утврдиме како дојде до ова и зошто ова летало со големина на авион не било соборено“, рече Милановиќ во воведниот дел од обраќањето.
„Се истражува како леталото минало толку време во воздух. Радарите го детектирале , но ова не е момент за прозивки. Мене ме интересира како едно несофистицирано летало минало еден час во нашиот воздушен простор. Знаеме дека не е од регионот. Случајот е сериозен. Ги имаме сите податоци и седница на Советот за безбедност не е потребна, оти тоа не е оперативно тело“, истакна хрватскиот претседател.
„Нашата противвоздушна одбрана е скромна, како што е случај и во цела источна Европа, освен во Полска. Тоа не е задоволувачко ниво, но колку вложуваме, толку ќе имаме. Ајде нешто да научиме од ова, иако ова е вонредна ситуација и ние зависиме од НАТО партнерите. Чудно, со денешната техника“, додаде Милановиќ.
Тој на некој начин да потврди теоријата дека леталото било програмирано за мисија на Јарун кај Житомир во Украина, но паднало во Јарун кај Загреб.
„Нема загинати и повредени во инцидентот, па нема смисла и да го „рибаме“ украинскиот амбасадор. Знаете каква е состојбата таму. Шефот на НАТО е техничко лице, а сведоци на вакви работи бевме и за време на бомбардирањето на Србија. Немам намера да го прозивам. Се надевам дека ќе научиме нешто од ова“, заклучи шефот на хрватската држава.