Потпреседателот Борел в понеделник ќе престојува во Скопје, Северна Македонија, каде ќе има средби со претседателот Стево Пендаровски, премиерот Димитар Ковачевски, министерот за надворешни работи Бујар Османи, министерката за одбрана Славјанка Петровска, како и со претседателот на Собрание Талат Џафери и лидерите на опозициските партии.
Високиот претставник на ЕУ за надворешна политика и безбедност и потпретседателот на Европската комисија, Жозеп Борел, од утре до 16 март ќе ги посети Северна Македонија, Албанија и Босна и Херцеговина . Посетата ќе ја потврди посветеноста и поддршката на ЕУ за регионот, исто така, и во поглед на руската војна против Украина и нејзиното влијание врз безбедноста на Европа како целина.
Потпреседателот Борел в понеделник ќе престојува во Скопје, Северна Македонија, каде ќе има средби со претседателот Стево Пендаровски, премиерот Димитар Ковачевски, министерот за надворешни работи Бујар Османи, министерката за одбрана Славјанка Петровска, како и со претседателот на Собрание Талат Џафери и лидерите на опозициските партии.
Високиот претставник ќе учествува и на настан на кој претставници на граѓанското општество и младинските организации ќе ја претстават својата работа за придонесот на Западен Балкан на Конференцијата за иднината на Европа.
Од Скопје, високиот претставник на ЕУ ќе отпатува за Тирана, а оттаму, кон крајот на следната недела, во Сараево .