Денеска во Република Северна Македонинја престојува високиот претставник за надворешна политика и безбедност како и потпретседател на ЕК, Жозеп Борел. кој предмалку ги заврши разговорите и средбата со македонскиот премиер Димитар Ковачевски по што треба да ја одржат заедничката прес-конференција закажана за 12.05 часот.
Претходно Борел се сретна со претседателот Стево Пендаровски и со собранискиот спикер Талат Џафери. Главна поента на разговорите била таа што Северна Македонија се докажала како партнер на ЕУ а новата геополитичка реалност укажувала и на потребата од интегрирање на регионот во ЕУ.
Високиот претставник ја поздравил одлуката на земјава за приклучување кон санкциите на ЕУ за Русија, со што Северна Македонија целосно се придружува кон заедничката надворешна и безбедносна политика на ЕУ и пакетот санкции на Унијата, вклучително и пакетот мерки од 2014-та година.
На средбата се разговарало и за заклучоците од неодамнешниот Самит на лидерите на ЕУ во Версај, со акцент на процесот на евроинтегрирање со земјите од регионот, за што главниот збор го имаат сите земји членки.