Во обраќањето што пред малку го пренесе украинската амбасада во земјава, претседателот Володимир Зеленски повторно се наврати на НАТО. “Секоја од над 800-те руски ракети што ја погодија нашата земја е одговор на долгогодишното прашање за НАТО. Дали вратите на Алијансата се навистина отворени за Украина”, рече тој.
“Да беа отворени, да беа искрени, немаше да треба 20 дена да ја убедуваме Алијансата да го затвори небото над Украина. Затворено од смртта која ја носат руските воздухопловни сили”, истакна украинскиот лидер.
Тој посочи дека Алијансата не ја слуша Украина или не сака како што рече да ја слушне. “Некои држави членки на Алијансата се заплашија себеси. Велејќи дека не можат да одговорат. Тие не можат да се судрат со руски ракети и авиони на небото на Украина. Затоа што ова, велат, ќе доведе до ескалација и Третиот светска војна”, рече Зеленски и додаде:
“А што ќе кажат ако Русија оди понатаму во Европа, напаѓајќи други земји? Сигурен сум дека истото што и го кажуваат на Украина. Членот 5 од договорот за НАТО никогаш не бил толку слаб како што е сега. Кога некои членки на Алијансата се плашеа да бидат вистинска Алијанса. Која е способна да заштити се за што е всушност создадена”, истакна тој во своето најново обраќање подвлекувајќи дека на Украина и требаат гаранции.
“Треба да бараме ефективни гаранции. Гаранции за нас, за нашето небо. И ние нема да се откажеме. Ни требаат авиони. И ќе продолжам да зборувам за тоа, ќе продолжам да настојувам на тоа”.