Украинскиот претседател Володимир Зеленски е скептичен во врска со ветувањето на Русија за намалување на воените активности во близина на Киев и Чернихив.
– Секако дека гледаме ризици вели Зеленск ии потенцира дека не гледа
основа да верува во зборовите на претставник на држава која продолжува да се бори за наше уништување. Украинците не се наивни луѓе, веќе научија за 34-те дена од инвазијата и во текот на иминатите осум години војна во Домбас дека може да им се верува само во конкретните резултати, рече Зеленски.
Украинскиот лидер ги повика Украинците да останат внимателни и покрај тоа што изјави дека сигналите од мировните преговори со Русија биле позитивно.
– Руската армија сè уште има значителен потенцијал да го продолжи нападот врз нашата земја. Тие сè уште имаат многу опрема и доволно луѓе да испратат во војна, додава Зеленски.
Тој рече дека Украина нема да ги намали одбранбените напори.
– Непријателот се уште е на наша територија. Гранатирањето на нашите
градови продолжува. Мариупол е блокиран. Ракетните и воздушните напади не прекинуваат, додаде украинскиот претседател.