Обвинителството го повлече обвинението против поранешни директори, осомничени за смртта на Тамара

Обвинителството реши да не ги гони поранешните директори на Фондот за здравство за смртта на Тамара Димовска од Велес, објави Телма.

Обвинението против директорите од тоа време Маја Парнарџиева Змејкова и Џемали Мехази денеска е повлечено, како и тоа против претседателката на Управниот одбор на фондот во тоа време, Елена Трпковска.

Тамара почина во 2015 година на осумгодушна возраст додека за неа се водеше процедура да и биде одобрена операција во странство. Операцијата не можеше да се изведе во Македонија и затоа се водеше постапка девојчето да се лекува во некоја странска болница на држвна сметка.

За другите лекари што биле дел од комисии во Фондот кои одлучувале за лекување во странство наместо за несовесно работење во службата, Обвинителството ќе ги гони за дело од член 86 б став 2 во врска со став 1, од Законот за здравствено осигурување.

Кривичната пријава по смртта на Тамара ја поднесе Хелсиншкиот комитет за човекови права со мајката на Тамара, Жаклина Димовска.