Германија и Австрија потврдија дека се во преговори да го плаќаат рускиот гас во рубљи

0
By on ЕКОНОМИЈА, СВЕТ
По написите на „Фајненшл тајмс“ дека неколку големи европски увозници на гас планираат да ги прифатат руските правила, исплатата да биде во рубљи, денеска Германија и Австрија потврдија дека се во преговори со рускиот водечки дистрибутер „Газпром“ за начинот на плаќање на гасот. 

Од германската компанија „Унипер“ која е блиска со германската влада изјавија дека се разгледуваат конкретните модалитети за плаќање.
„Сметаме дека е можна конверзија на плаќањата во согласност со законот за санкции и руската одредба. „Унипер“ ќе продолжи да плаќа во евра oдносно е во разговори со својот договорен партнер Газпром за конкретни модалитети во плаќањето, наведуваат од оваа компанија.   

Австрија речиси цело ова време со украинската криза, 100 постотно не застана зад европската одлука за ембарго на руските гас и нафта, туку постојано ги ставаше на преден план сопствените потреби од гас. Оттаму и од Австрија преку ОМВ стигаат слични информации како и од Германија дека се анализира барањето од Газпром.

„Го анализиравме барањето на Газпром за начинот на плаќање во светло на санкциите од ЕУ и сега работиме на решение кое е во согласност со санкциите“.

Потегот на Германија и на Австрија но и на уште две земји Словачка и Унгарија , како што денеска објави Фајненшл тајмс, особено се интензивира откако Русија деновиве ја затвори славината за проток на руски гас кон Полска и Бугарија.

Овие земји , како што пишува Фајненшл Тајмс, планирале да отворат сметки во рубљи кај „Газпромбанк“ во Швајцарија.

 

 

Share.