Детектирани се обиди за злоупотреба на податоци и сметки, НЛБ ги предупредува своите клиенти

НЛБ Банка на својот фејсбук профил објави дека имало детектирани обиди за злоупотреба на податоци и сметки и ги извести своите клиенти да не ги споделуваат своите лични и банкарски податоци.

„Особено е важно податоците да не ги споделуваат со друго лице, дури и ако лицето се идентификува како претставник од Банката како активациските кодови за електронско и мобилно банкарство, кодовите за интернет плаќања и  ПИН кодовите од платежните картички“, додаваат од банката во својата објава.

Меѓу другото оттаму потенцираат дека овие податоци никогаш не би им биле побарани на клиентите од ниту едно лице вработено во банката.