Украинските власти објавија слики од Мариупол на кои се гледа како продолжува работата на, како што ги нарекуваат, „окупаторите“ за обновување на спомениците од советската ера.
Петро Андрушченко, советник на градоначалникот на Мариупол дистрибуираше нови фотографии денеска и рече дека „во последните денови се обновени сите споменици од советскиот период: таканаречените ‘тупаници’ со вечен оган – и знаците на кои пишува ‘На жртвите на фашизмот’ на руски јазик. Исто така и споменикот на ‘Комсомолци и комунисти’ во областа Приморски“.
Југоисточниот пристанишен град Мариупол е под опсада веќе неколку недели, а во фокусот сега е фабриката за челик Авостал. Вчера, украинскиот претседател Володимир Зеленски рече дека руските сили „не го запираат“ гранатирањето на фабриката. Фабриката сега се евакуира бидејќи цивилите и војниците останаа заробени внатре, а „следната фаза“ е во тек, според Андриј Јермак, шеф на кабинетот на украинскиот претседател. Повеќе од 300 евакуирани од областа Мариупол веќе се пристигнати во градот Запорожје.
Советникот на градоначалникот Андрушченко, кој не е во Мариупол, но одржува врски со луѓето сè уште таму, вели дека Русите го развеале руското знаме и на градската болница. „Окупаторите дозволија лекарите да работат за жителите на Мариупол. Медицинскиот персонал и лекарите живеат директно во болницата, има само амбулантско лекување. Болницата е обезбедена со струја преку генератори, а со вода – со носачи на вода“, рече тој.