Португалската министерка за здравство, Марта Темидо со поднесе оставка на функцијата по неколку часа од смртта на бремена индиска туристка во Португалија, пишува „Ројтерс“. Трудницата не била примена во породилиште со образложение дека капацитетот бил преполн.
Индијката на возраст од 34 години почина од затајување на срцето на пат кон друга болница во Лисабон. Нејзиното дете го преживеа породувањето и се наоѓа во добра здравствен состојба. Португалскиот премиер Антонио Кошта рече дека смртта на индиската туристка била „капка која ја прелила чашата“ и ја поттикнала министерката на таков чекор.
Во соопштение за оставката на Темидо се заклучува дека повеќе нема услови за останување на министерката з здравство во Владата. Густаво Тато Борхес, претседател на португалската здружение за јавно здравство, изјави за РТП оти не очекувал оставка на Темидо и изненаден е со нејзината одлука, со оглед на „акутните проблеми“ во здравствениот сектор, објави „Би-Би-Си“.
Породилиштата во Португалија се борат со недостаток на медицински персонал, поради што некои биле принудени да стават клуч на врата. Поради тоа, родилките честопати се транспортираат од болница во болница, што претставува ризик во нивната состојба.