Апелираме до потрошувачите, заедниците на сопственици и управителите да ги обезбедат потребните услови за непречена испорака на топлинска енергија во објектите по почетокот на грејната сезона, порача ЕСМ. Соработката од страна на потрошувачите и заедниците на сопственици е во интерес на сите страни за да се обезбеди навременa и квалитетна испорака на топлинската енергија, велат од компанијата во соопштението објавено пред малку.
„Во моментов во околу 105 објекти (што претставува околу 3,7% од вкупниот број на мерни места) сè уште не се обезбедени бараните услови, односно имаат дефекти во внатрешната грејна инсталација, оневозможен е пристап на екипите на компанијата до топлинските станици или немаат електрична енергија во топлинските станици“, соопшти ЕСМ.
Компанијата предупреди дека ако корисниците сакаат непречена испорака на топлинска енергија од системот за централно греење, управителите и заедниците на сопственици во објектите да ги отстранат дефектите на внатрешната грејна инсталација, како и да овозможат непречен пристап на екипите на компанијата до топлинската станица за да обезбедат постојано напојување на топлинската станица со електрична енергија.
Се напоменува и дека треба да бидат платени неплатените сметки за електрична енергија за топлинската станица и да биде функционална електричната инсталација. ЕСМ притоа потсетува и дека одржувањето на внатрешната грејна инсталација е одговорност на потрошувачите.
„Ги повикуваме потрошувачите, пред да пријават дефект или рекламација во Центрот за грижа на потрошувачи, да проверат дали нивниот објект се наоѓа на списокот затворени објекти кај кои не се испорачува топлинска енергија даден во Прилог. Доколку објектот за кој бараат информација не е на списокот на затворени објекти, потрошувачите може да се обратат во Центарот за грижа за потрошувачи за да биде евидентиран нивниот објект“, се вели во соопштението.
За информации или пријави на дефекти и завршени интервенции, потрошувачите може да се јават во Центарот за грижа за потрошувачи на телефонските броеви:
За потрошувачите на ЕСМ Снабдување со топлина Дооел Скопје на подрачјето на дел од градот Скопје и тоа: општина Аеродром, дел од општина Гази Баба, општина Ѓорче Петров, општина Карпош, општина Кисела Вода, општина Центар и општина Чаир.
Центар за грижа на потрошувачи (24/7): 02 3076 200 и 075 400 100За потрошувачите на Енергетика – Оддел за топлинска енергија на подрачјето на дел од градот Скопје и тоа: дел од општина Гази Баба
Дефекти и протекување (24/7): 071 313 405
Центар за грижа на корисници (пон-петок, 07.00–19.00): 02 3104 816
Рекламации за квалитет на греење (пон-петок, 07.00-19.00): 02 3104 872