Published: Wednesday, November 23, 2022 11:15
Кривичниот совет при Основниот кривичен суд Скопје го продолжи куќниот притвор за 30 дена, за човекот кој ја нападна новинарската екипа на Телевизија 24 и се однесуваше недолично во јавноста .
Во информацијата што беша испратена до медиумите се вели дека продолжувањето на куќниот притвор за М.П. е на барање на Основното јавно обвинителство од Скопје и тоа за кривично дело „насилство“.
„Воедно ја известуваме јавноста дека по поднесениот обвинителен предлог против осомничениот е формиран кривично – правен предмет кој е ќе оди на понатамошно постапување, а откако ќе биде закажана главната расправа, странките ќе бидат известени“, информираат од Основниот кривичен суд Скопје.
Новинарската екипа беше нападната пред домот на М.П. на чија адреса е пријавено живеалиштето на Олександр Онишченко кој добил македонско државјанство – случај кој откако беше обелоденет предизвика потрес во безбедносните служби на земјава, бидејќи Онишченко е украински државјанин со врски со Кремљ, и се наоѓа на црна листа на САД.