Познатиот музичар и диџеј, чие вистинско име беше Максвел Фрејзер, беше главен член на групата „Фејтлес“ заедно со Роло и Систер Блис.
Систер Блис објави дека пејачот починал мирно во сон, во неговиот дом во јужен Лондон, во петокот вечерта.
„Ви испраќам љубов на сите вас кои го споделивте нашето музичко патување. Чувајте се“, напиша таа на Твитер.
Фејтлес беа познати по сингловите, како We Come 1, кој стигна до топ три на топ листите во 2001 година и денс-хитот Insomnia, кој го достигна третото место во 1996 година.
Во изјавата споделена на неговиот Инстаграм се вели: „Тој беше човек кој ни ги промени животите на толку многу начини. Тој и даде соодветно значење и порака на нашата музика.
„Тој исто така беше прекрасно човечко суштество кој имаше време за секого и мудрост која беше и длабока и достапна. Беше чест и, се разбира, вистинско задоволство да се работи со него.
„Тој беше брилијантен текстописец, диџеј, будист, прекрасно присуство на сцената, љубител на автомобили, бескраен говорник, убава личност, морален компас и гениј.“
Фејтлес е формирана во 1995 година. Групата стана пионер на стадионската денс музика. Истата беше номинирана за најдобар танц во Велика Британија на Брит наградите во 1999 и 2002 година.
Бендот се раздели во 2011 година, но се врати да издаде нов студиски албум речиси една деценија подоцна, за време на пандемијата. Сепак, нив не им се придружи Џез, кој формираше друг бенд, Макси Џез и Е-Тајп Бојс.
На нивната веб-страница, бендот го опиша нивниот звук како „мелодичен фанк и блуз измешан со реге ритам, даб основни линии [и] мелодии од Јамајка“.
Извор: Би-Би-Си
Подготви: М.П.