Close Menu
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
What's Hot

Емил Цветанов: Федерацијата работи во интерес на сите клубови и спортисти подеднакво

November 19, 2026

Украинската амбасадорка Дир: Милиони животи се загрозени поради студот и темнината

October 30, 2026

34 години АРМ: Од „боси по трње“ до рамноправна и достојна членка на НАТО

August 16, 2026
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
НОВА ТВНОВА ТВ

Кучиња херои на помош во Турција и Сирија, нивната важност ја гледаме при природни катастрофи

0
By Ана Василевска on February 10, 2023 ВЕСТИ, СВЕТ
СПОДЕЛИ
Facebook Twitter LinkedIn Email
Published: Friday, February 10, 2023 09:07

Кучињата имаат силен потенциран инстинкт да помогнат и исклучително силни сетила за мирис кои се клучни за помош при природни катастрофи како што е земјотресот. Откако во понеделникот земјотрес со јачина од 7,8 степени според Рихтеровата скала погоди неколку области во Турција и Сирија, голем број држави како дел од спасувачките тимови испратија и кучиња трагачи.

На социјалните мрежи и на медиумите од понеделникот се споделуваат фотографии од кучиња кои ги пронаоѓаат преживеаните заглавени под рушевините, па дури се појави и фотографија од куче за кое се споделува дека спасило десет човечки животи.

Нашиот тим за претрага и спасување составен од 24 армиски припадници со две обучени кучиња замина за Турција. Надеж дека во текот на пребарувањето ќе се спасат човечки животи, даваат и двете кучиња Кони и Пикси, кои заедно со инструкторите се обучени токму за пронаоѓање лица во елементарни непогоди.

Кучињата, како што информираа за МИА од Министерството за одбрана, се транспортирани согласно процедурите за транспорт со авио летови, како и процедурите на аеродромите и авио сообраќај.

Двете службени кучиња кои се упатени во состав на тимот за претрага и спасување се од расата белгиски овчар – машко кутре и лабрадор – женско кутре, кои се на пет-шест годишна возраст.

Овие две кучиња, како што велат од Министерството, ја имаат поминато комплетната специјалистичка обука за претрага во нашиот армиски центар за обука и дресура на службени кучиња од составот на командата за обука и доктрини. Водачите на службените кучиња воедно се искусни инструктори за ваков вид на обука кои се имаат усовршувано токму во Република Турција.

Службените кучиња се дел од семејството кучиња кои целосно се размножуваат и одгледуваат во Центарот кој располага со кучиња од расата на германски овчар, белгиски овчар, шарпланински овчар, лабрадор-ретривер и ротвајлер.

Како што велат од Министерството за МИА, кучињата се обучуваат после наполнета возраст од 18 месеци и истата трае девет месеци.

Дел од овие кучиња досега учествувале со одредите за специјална намена на многубројни вежби, како и во случаи на претрага како што беше случајот со катастрофалните поплави во 2016 година и други случаи на претрага на исчезнати лица во планински области.

Во потрагата по преживеаните од земјотресите во Турција и Сирија се вклучуваат и многу други земји кои исто така испраќаат кучиња спасувачи.

Министерството за внатрешни работи на соседна Србија пред два дена на „Фејсбук“ објави фотографии од службеното куче кое го испратиле за помош на настраданите во Турција како рамноправен член на Специјалистичкиот тим за спасување.

Според објавите, кучето се вика Зиги, има девет години и е белгиски овчар кој е обучен да бара и спасува луѓе од урнатини и на отворено. Поминал основна обука за послушност, како и основна обука за спасување и потрага по луѓе. Учествувал во неколку спасувачки операции и на неколку меѓународни вежби во Словенија и Србија.

 

Швајцарската спасувачка служба „Редог“ испрати дури 14 кучиња во Турција, а службени кучиња испраќаат и Хрватска, Полска, Чешка, Германија, Грција, Индија, Обединетото Кралство, Кина, Тајван, Јужна Кореја и САД.

Поривот на кучињата да помогнат и да пронајдат жртва е посилен од стравот

Кучињата едноставно се способни да насетат работи надвор од човечката перцепција. На пример, тие можат да мирисаат мириси и да слушаат високи звуци кои луѓето не можат да ги мириснат или слушнат. Постојат теории според кои уште во 373 п.н.е., имало извештаи за чудно однесување на животните пред земјотрес. Меѓу многуте такви примери е и видеото кое деновиве е објавено на социјалните мрежи каде куче вознемирено завива некоја минута пред земјотресот, во знак на алармирање.

Како што појаснува за МИА, Гизела Бошковска од Здружението за заштита на животни „Анима мунди“, постојат многу теории и истражувања кои тврдат дека невообичаеното однесување на животните може да им помогне на луѓето да предвидат силни земјотреси.

Бошковска вели дека тоа што е важно е дека нивниот порив да помогнат, пронајдат жртва и алармираат за помош е посилен и од стравот, меѓутоа нагласува оти поразителен е фактот што само во вакви катастрофи и трагедии ја воочуваме нивната важност и големина.

Освен за пронаоѓање на луѓето, дел од видеата кои го обиколија светот по земјотресот во Турција и Сирија се и снимките од мајки кучиња кои очајно пробуваат да си ги спасат своите кутриња од под рушевините. На едно од видеата се гледа како мајката се обидува да направи дупка за да стигне до своите малечки.

Извор МИА

Земјотрес Турција и Сирија кучиња откриваат природни катастрофи
Share. Facebook Twitter LinkedIn Email
ТИКЕР

Почнува смената на власта во Србија: Конститутивна седница на Народното собрание

November 17, 2026

КЛИМАТСКИ РОЛЕРКОСТЕР – серија текстови на Зелен ЦИВИЛ: Есента се менува, градовите се загреваат

November 14, 2026

Скопскиот филмски фестивал продолжува да го менува културниот пејзаж на градот

November 12, 2026

КРВАВ МАСАКР ВО КРАКОВ: Шестмина убиени на плоштадот, три тела пронајдени во домот на напаѓачот

November 8, 2026

„Блунами“ во САД: Нов инфографик на ЦИВИЛ МЕДИА за изборниот пресврт и последиците за Трамп

November 4, 2026
shortcut
ФОКУС
September 30, 2026Updated:September 30, 2026

Мицкоски пред средбата со Фон дер Лајен: Подготвени сме за разговор и решение, обврските ги наследивме од претходната власт

ПОЛИТИКА September 30, 2026

Претседателката на Европската комисија Урсула фон дер Лајен в петок, 2 октомври, ќе престојува во…

Исланд гласа за или против обновување на преговорите за членство во Европска Унија

August 29, 2026

Техеран го повика Вашингтон да признае воен пораз

August 16, 2026

Букурешт: Дуња Иванова четврта на Балканот во МТБ маратон во Романија – 73 км. должина и 2.400 м. висинска разлика

August 15, 2026
ТИКЕР

Почнува смената на власта во Србија: Конститутивна седница на Народното собрание

November 17, 2026

КЛИМАТСКИ РОЛЕРКОСТЕР – серија текстови на Зелен ЦИВИЛ: Есента се менува, градовите се загреваат

November 14, 2026

Скопскиот филмски фестивал продолжува да го менува културниот пејзаж на градот

November 12, 2026

КРВАВ МАСАКР ВО КРАКОВ: Шестмина убиени на плоштадот, три тела пронајдени во домот на напаѓачот

November 8, 2026

„Блунами“ во САД: Нов инфографик на ЦИВИЛ МЕДИА за изборниот пресврт и последиците за Трамп

November 4, 2026
CIVICA
Facebook
  • Редакција
  • Маркетинг
  • Политика на приватност
© 2026 НОВА ТВ

Type above and press Enter to search. Press Esc to cancel.