Во областа е започната голема операција за пребарување и спасување. Властите соопштија дека досега се спасени 104 лица по ноќниот инцидент на околу 75 километри југозападно од јужниот грчки регион Пелопонез.
Рибарски брод со десетици мигранти утрово се преврте и потона во близина на јужниот брег на Грција при што загинаа најмалку 32 лица.
Во областа е започната голема операција за пребарување и спасување. Властите соопштија дека досега се спасени 104 лица по ноќниот инцидент на околу 75 километри југозападно од јужниот грчки регион Пелопонез.
Четворица од преживеаните се хоспитализирани со симптоми на хипотермија. Не е јасно колку патници би можеле да останат исчезнати во морето, соопшти грчката крајбрежна стража.
Во тековната потрага учествуваа шест бродови на крајбрежната стража, фрегата на морнарицата, воен транспортен авион, хеликоптер на воздухопловните сили, неколку приватни пловни објекти и беспилотно летало на агенцијата за заштита на границите на Европската унија, Фронтекс.
Се верува дека чамецот пловел за Италија од областа Тобрук во источна Либија. Италијанската крајбрежна стража прво ги предупреди грчките власти и Фронтекс за бродот што се приближува во вторникот.
Шверцерите сè почесто земаат поголеми чамци во меѓународните води во близина на грчкото копно за да се обидат да ги избегнат патролите на локалната крајбрежна стража.
Во неделата, 90 мигранти на јахта под американско знаме беа спасени во областа откако упатија повик за помош.
Исто така, во средата, јахта со повеќе од 70 мигранти беше одвлечена до пристаништето на јужниот брег на грчкиот остров Крит, откако властите добија повик за помош.
Извор Еуроњус