Со оглед на тоа што многумина се шокирани од непризнавањето на работата на Грета Гервиг и Маргот Роби на неодамнешните номинации за Оскар од страна на Академијата – што се крие зад тоа?
Иако филмот беше номиниран за најдобар филм, Грета Гервиг беше отфрлена како режисер, а Маргот Роби изоставена од категоријата за најдобра актерка, пропусти што предизвикаа реакции на интернет и од нивните колеги. „Асошиетед прес“ го нарече изостанувањето на Гервиг „еден од најголемите шокови во поново време“.
Постојаниот сексизам во филмската индустрија иако имаше удел, истиот само придонесе на основниот проблем. И покрај признанието за најдобар филм, гласачите на Оскар одбија сериозно да го сфатат филмот заснован на играчки, игнорирајќи ја неговата инвентивност.
Филмот ги поткопува стереотипите за жените – со мета-остроумност, ликот на Роби е наречен Стереотипна Барбика – но сето ова е обвиткано во раздвижен облак во боја на бонбони. Гласачите на Оскар не можеа или не сакаа да погледнат под таа површина за да видат колку само филмот е имагинативен и суштински и колку педантно го оркестрирала Гервиг.
Уште пред објава на номинациите, имаше навестувања дека оригиналноста на Барби ќе биде потценета
И уште пред да бидат објавени номинациите, имаше навестувања дека оригиналноста на Барби ќе биде потценета. Првото навестување се појави откако Академијата одлучи дека инспирираното сценарио на Гервиг и Ноа Баумбах припаѓа во адаптираната категорија (каде што доби номинација) и дека не е оригинално. Извршниот комитет на Филијалата на писатели на Академијата рече дека филмот е заснован на претходно постоечки лик, односно кукла.
Друга трага се појави на Златните глобуси. Барби не успеа да издвои победа во категоријата најдобра комедија или мјузикл, но си замина со тазе измислена награда за филмско остварување, утешна награда заради популарноста и заработката на филмот.
Односот на филмот со парите и корпоративната култура беше проблематичен од самиот почеток. Приказната го критикува Мател, компанијата што ги продава сите тие Барбики, но самиот филм е голема студиска продукција лиценцирана од компанијата за играчки.
Најочигледната социјална порака на филмот доаѓа од ликот на Америка Ферера, Глорија, главниот човек во Барбиленд. Во добредојден, но изненадувачки пресврт, Ферера беше номинирана за споредна женска улога, главно, може да се претпостави, врз основа на нејзиниот страстен монолог за очекувањата од жените, како на пример: Бидете слаби, но преправајте се дека тоа е затоа што сакате да бидете здрави. „Исцрпувачки е“, вели Глорија. „Морате да имате пари, но не можете да барате пари бидејќи тоа е лудо. Дали Гервиг заработила премногу пари? Можеби. Бидете жена режисер, но не им се појавувајте на мажите дека сте заработиле повеќе од нив.
Подготвил: Марта Пешевска
Извор: Би-Би-Си/Frontline