Италијанскиот претседател Џорџо Наполитано во германската престолнина Берлин во ја исклучи можноста од распишување нови парламентарни избори, јави Ројтерс, додека партиите во земјата и натаму се препукуваат околу формирањето на новата влада, откако резултатите од изборите одржани на 24-ти и 25-ти март не донесоа јасен победник и ниедна партија или коалиција нема стабилно мнозинство.
Зборувајќи во текот на својата посета на Берлина, италијанскиот претседател Џорџо Наполитано рекол дека на Италија и е потребна стабилна влада, како и дека нови парламентарни избори во моментов не можат да се одржат.
„Не сум заинтересиран за повторно гласање, и јас го немам овластувањето за распуштање на парламентот. Се сомневам дека и новиот претседател само ќе размислува на распуштањето на парламентот. Мораме да видиме како на Италија да и’ подариме нова влада”, рекол Наполитано за медиумите на маргините од неговото излагање на универзитетот Хумболд .
Неговиот претседателски мандат завршува во средината на мај годинава, но 87-годишнито италијански претседател повторил уште еднаш дека нема да се кандидира повторно, но рекол дека е убеден оти неговиот наследник исто така ќе биде против распишување нови парламентарни избори.
Пјерлуици Берсани, лидерот на Демократската пaртија (PD) којашто ја предводеше коалицијата на левиот центар, има мнозинство во долниот – Пратеничкиот дом, на италијанскиот парламент, но не го контролира и Сенатот – горниот дом на парламентот, во петокот во разговор за миланскиот дневен весник La Repubblicа изјави дека го исклучува како решение за формирање влада ткн „голема коалиција” со коалицијата на десниот центар којашто ја предводи поранешниот италијански премиер Силвио Берлускони.
Движењето 5 ѕвезди, коешто се промовираше како противтежа на сите традиционални и етаблирани партии во земјата, што го предводи сатиричарот Бепе Грило, која е поединечно најсилната партија во Италија и трета по моќта политичка групација, ја исклучи, пак, секоја можност да и’ ја подари довербата, со пораката дека се подготвени да дадат поддршка само за поедини закони.
Грило притоа го нарече Берсани „мртовец кој зборува”, и оцени дека следната влада нема да трае повеќе од една година.
Според изборните резултати коалицијата на левиот центар на Пјерлуиџи Берсани освои мнозинство од мандатите во Пратеничкиот дом освојувајќи 29,54 отсто од гласовите, додека второто место и припадна на коалицијата на десниот центар на Силвио Берлускони со 29,18 проценти од освоените гласови.
Движењето 5 ѕвезди на Бепе Грило ја подби самостојно поддршката од 25,55 отсто од гласачите, односно од четвртина од оние што излегле на изборите.