Собранието на Адвокатската комора на Србија (АКС) денеска со мнозинство гласови изгласа запирање на работата на триесет дена, потврди адвокатот Владимир Терзиќ за Бета.
„Триесет дена суспензија со строг режим, само преклузивни рокови, како што предложи Адвокатската комора Шабац. Предлогот на Управниот одбор на АКС (за 15-дневен прекин на работа) не се ни гласаше, бидејќи овој предлог доби мнозинство“, изјави Терзиќ за агенцијата Бета.
Тој додаде дека Управниот одбор на АКС ќе утврди кога ќе стапи на сила прекинот на работата.
Адвокатската комора на Србија кон средината на јануари гласаше за седумдневен прекин на работа, што беше поништено од страна на Вишиот суд во Белград, по што адвокатите заминаа на два прекини со работа од по три дена.
Една од причините за тие прекини на работа, како што наведоа адвокатите, е да се изрази солидарност со студентите кои протестираат низ Србија.