Денеска верниците од исламската вероисповед го слават Рамазан Бајрам, крајот на светиот месец Рамазан за време на кој верниците постеа.
Рамазан е еден од Петте столба на исламот. Останатите се верата, молитвите, поклонението и давањето милостина. Тоа е месец на добрина, милост, љубов и простување. Верувањата се дека кога ќе дојде празникот, портите на џенетот (рајот) се отвораат, портите на џехенем (пеколот) се затвораат. Куранот вели дека Рамазан има четири димензии — духовна, морална, солидарна и здравствена.
Пост
Рамазан Бајрам е празник кој го одбележува завршувањето на месецот Рамазан, месец во кој муслиманите практикуваат пост (саум). Постот почнува со изгрејсонце (сахур) и трае до зајдисонце (ифтар). Постот започнува со оброк наречен сахур, кој се јаде пред зора. Овој оброк е важен затоа што дава енергија за целодневното постење. Со залезот на сонцето, постот се прекинува со оброк наречен ифтар. Традиционално, ифтарот се започнува со фрлување на урма (сушена фурма), следен со вода и потоа обилен оброк. 
Јадење и пиење се дозволени во текот на ноќта. Од пост се ослободени децата, бремени жени, доилки и болните.
Ова е духовен чин кој има за цел да ја зголеми свеста за Божјата моќ и да поттикне личноста на самодисциплина, милосрдие и сочувство.
Муслиманите треба да посветат повеќе време и внимание врз следењето на исламските учења и да избегнуваат лоши мисли и нерелигиозни разговори.
За време на Рамазан, муслиманите се посветуваат на молитва и читање на Коранот, со цел да се духовно оснажат и да се приближат до Аллах.
Една од најважните одлики на месецот е чистотата на мислата и активностите. Постот има за цел да го продлабочи искажување на почит и воспевањето на името на Бога, со што и самите верници стануваат поблиску до Бога.
Рамазан Бајрам
По триесетдневниот рамазански пост, следува тридневниот празник Рамазан Бајрам, кој се смета за голем празник во исламот. Тоа е деветтиот месец во исламскиот календар и го означува почетокот на објавата на светата книга за муслиманите, Куранот.
Според исламската традиција, во месецот Рамазан, на ноќта позната како Лаилат ал-Кадр (Нокта на моќта), Аллах го започнал откривањето на Коранот на пророкот Мухамед преку ангелот Џибрил.
Откако пророкот Мухамед и неговите следбеници започнале да постат во месецот Рамазан како дел од нивната верска пракса, Рамазан Бајрам се воспоставил како празник за да се прослави завршувањето на овој свети месец на постење. Празникот има корени во првичната традиција која ја утврдил пророкот Мухамед, кога постењето беше објавено како задолжителен ритуал за муслиманите, а Рамазан Бајрам беше поставен како ден за благодарност и радост по успешното извршување на постот.
Прославување
Рамазан Бајрам е исполнет со традиции кои се различни во различни делови на светот, но некои основни елементи се универзални за сите муслимански заедници. Најчесто започнува со заедничка молитва (Бајрам Намаз) која се извршува на раноутро, по што следува оброк со семејството и пријателите. Во многу муслимански земји, обичаите вклучуваат носење на нова облека, размена на подароци и подготовка на традиционални јадења (бајрамско месо, аландити и баклава).
На празникот најмногу се радуваат децата бидејќи добиваат голем број подароци, но и нова облека и играчки. Децата добиваат слатки кога и да заѕвонат на ѕвоното на кој било дом.
Овој празник најчесто се честита со: „Бајрам шериф мубарек олсун“, што од турски значи „Нека е благословен благородниот празник“, а одговорот на оваа честитка е: „Аллах рази олсун“, што во превод значи: „Нека е Господ задоволен“.
Првиот ден од Бајрам се поминува во кругот на семејството кое се собира со најстарите членови, а утрото се посетуваат гробиштата, па се одбележува и како Ден на мачениците (паднатите борци).
Другите денови се наменети за дружење со пријатели и познаници.